दाङ्ग, कोरोना संक्रमीत बिरामीका लागि क्वारेन्टाइन राख्ने बिषयमा बिवाद भएपछी लमही नगरपालिकाले लमहीको रातो डाडामा रहेको सुबिधा सम्पन्न सहिद नेत्रलाल अभागी स्मृती भवनलाई प्रयोगमा ल्याएको छ ।
नगरपालिकाले क्वारेन्टाइनका लागि देउखुरी बहुमुखी क्याम्पस र बाल जनता माध्यमिक बिद्यालय बनगाउँलाई निर्णय गरेको थियो तर गाउँको बिचमा राखेर पुरै गाउँलाई त्रसित पार्न खोजेको भन्दै वडा नम्बर ३का स्थानीयले बिरोध गरेका थिए ।
प्रतिष्ठानको तीन तला भवन कोरोना संक्रमीत बिरामीको लागि योग्य भएकोले प्रतिष्ठान सङ्ग कुरा गरेर क्वारेन्टाइनका लागि सहमति लिइएको नगरप्रमुख कुल बहादुर केसीले बताए।
क्वारेन्टाइनमा राखिने ब्यक्तिहरुका लागि डाक्टर र सुरक्षाकर्मीले पनि पहरा दिने ब्यवस्था मिलाईने केसीले बताए । क्वारेन्टाइनमा बस्दा उनिहरुलाई कुनै मानसिक तनाब नहोस भनेर फ्री वाइफाइको सेवा पनि प्रदान गरिने भएको छ ।
क्वारेन्टाइनमा बस्दा कसैले पनि कुनै अप्रिय घटना न घटाउन भनेर चौबिसै घण्टा निगरानीमा राखिनेछ । बाहिरबाट आएका नागरिकलाई राख्ने, केही लक्षण देखिए अस्पताल पठाउने नगरप्रमुख केसीले बताए ।
हाललाई तीस जनाको लागि बेड तयार गरिएको छ । लमही नगरपालिकामा स्थापना गरेको कोरोना राहत कोषमा जम्मा भएको रकम बाट ती ब्यक्तिहरुको खानपानमा खर्च गरिने छ ।
यस क्वारेन्टाइनमा जेष्ठ नागरिकलाई तल्लो तलामा राखिने भएको छ । त्यस्तै महिला बालबालिका र पुरुषलाई अलग अलग राखिने छ
