दाङ्ग, अहिले सम्म लमही नगरपालिकाको राहत कोषमा करिब तिन लाख एकसट्ठी हजार नगद रकम जम्मा भएको लमही नगरपालिकाका प्रमुख कुल बहादुर केसीले जानकारी दिए ।
विपदको समयमा राज्यले मात्र थेग्न नसक्ने भन्दै सामाजिक क्षेत्रमा सक्रिय रहेका र सहयोग गर्न ईच्छुक व्यक्ति, संघ सस्थालाई नगरपालिकाको ढोका खुल्ला रहेको नगर प्रमुख केसीले बताए ।
आज सोमवार देउखुरीमा रहेको एक कम्पनीले लमही नगरपालिकाको विपद् व्यवस्थापन कोषमा नगद ५० हजार रकम सहयोग गरेको छ । कोरोना भाइरसका कारण कामकाज गरेर दैनिक छाक टार्नेहरुको अबस्था नाजुक बन्दै गएकोले लमही नगरपालिकाको राहत कोषमा नगद रकम प्रदान गर्नेहरुको संख्या पनि बढेर गएको छ ।
लमही नगरपालिका वडा नम्बर ७ कमानपुर स्थित रहेको लमहीको पाण्डवेश्वर बालुवा वासिङ्ग उद्योगका संचालक रामप्रसाद पोख्रेल, श्रीधर महरा र माधव धितालले आइतवार लमही नगरपालिका नगर प्रमुख कुलबहादुर केसीलाई नगद हस्तान्तरण गरेका हुन् ।
पाण्डवेश्वर बालुवा वासिङ्ग उद्योगले लमही नगरपालिकालाई अति बिपन्न बर्गका परिवारको पहिचान गरेर उक्त रकम प्रदान गर्न नगरपालिकालाई आग्रह गरेको छ ।
लकडाउनले प्रभावित बन्दै गएका अतिविपन्न र विपन्न घर परिवारलाइ एकद्धार प्रणालीबाट खाद्यान्न उपलब्ध गराउनेको लमही नगरपालिकाका उपप्रमुख देवका बेल्बासेले जानकारी दिएकी छन् ।
